Правядзенне такіх сустрэчаў стала добрай традыцыяй у музеі. У гэты раз перад прысутнымі выступілі Тамара Мазур, Ала Клемянок, Людміла Кебіч і Вікторыя Смолка. Запрасілі на сустрэчу і нашага мясцовага паэта Мікалая Іваноўскага. Госці чыталі перад прысутнымі свае вершы, расказвалі аб сваёй творчасці, знаёмілі са зборнікамі уласных вершаў. У якасці слухачоў на сустрэчы традыцыйна былі вучні мясцовай школы. а таксама намеснікі дырэктараў школ Мастоўскага раёна па выхаваўчай рабоце, якія ў гэты дзень сабраліся на семінары ў Гудзевіцкай сярэдняй школе.