На працягу пяці дзён тыя, хто завітваў на наш падворак, маглі ўбачыць як гатовыя падвойныя дываны, вытканыя народным майстрам Верай Ігнатаўнай Белакоз, так і павучыцца ў яе гэтаму майстэрству. Вера Ігнатаўна ахвотна дзялілася сваім уменнем, расказвала, як сама яго асвойвала. Можна было павучыцца ткаць і на маленькіх ручных кроснах паяскі і закладачкі. Разам была арганізавана выстава-продаж вырабаў майстроў Мастоўскага раённага цэнтра рамёстваў, якая таксама карысталася попытам.

    Фотасправаздачу глядзіце ў нашай Галерэі і на старонцы ў "Аднакласніках"!