У госці на нашу сустрэчу да нас завіталі Людміла Кебіч, Ганна Скаржынская-Савіцкая, Тамара Мазур, Віктар Курловіч і наш зямляк Мікалай Іваноўскі. Традыцыйна на сустрэчу прыйшлі вучні Гудзевіцкай сярэдняй школы, мясцовая інтэлегенцыя. Зноў гучалі цудоўныя вершы ў выкананні аўтараў, прысутныя мелі магчымасць задаць пісьменнікам свае пытанні, пазнаёміцца з міні-выстаўкай кніг,  ахвяраваных музею пад час такіх сустрэч. Таксама да ўвагі жадаючых было прапанавана знаёмства з традыцыйнай выстаўкай, якую мы ладзім штогод, "Юбілейны агляд", прысвечаную сёлета Максіму Багдановічу, Цётцы, Васілю Вітку, Нілу Гілевічу, Івану Мележу, Анатолю Вярцінскаму і іншым юбілярам, з якімі ў свой час вялася перапіска.